شباب الكويت
My blogs
| Introduction | احنا انا وانت وكل شباب الكويت .. احنا اي واحد يغار على ديرته .. احنا مستقبل الكويت .. احنا نبضها .. احنا املها .. احنا اللي قلنا نبيها خمس وسويناها خمس .. احنا اللي وقفنا بساحة الارادة .. احنا اللي ناشدنا بحقوق المرآه وجبناها .. احنا اللي ما راح نسكت عالفساد اللي نشوفه .. احنا اللي بنرد الكويت مثل ما كانت .. احنا اللي نبي نغيّر و .. بنغيّر ! كون ويانا .. اقترح المرشح اللي يفيد التغيّر ! .. اقترح مرشح يفيد البلد .. اقترح المرشح اللي عنده وعي .. عنده فكر .. عنده برنامج انتخابي واضح .. عنده شي يقدما حق هالبلد .. بعيد عن الطائفيه والقبليه والتيارات .. فيد عيال ديرتك .. قولهم يصوتوّن صح ! .. ولا تنسى انك قبل لا تفيد المرشح تراك قاعد تفيد نفسك .. تفيد عيالك .. نفيد الكويت .. ونفيد التغيّر .. ! ترا احنا انا وانت احنا شباب الديره كلهم .. محنا فئه معينه .. لأ ! احنا كلنا مع بعض .. وكوني بديت بهل كلمه .. ترا انته بتكملها .. بنغيّر مو لي او لك او حق فئه او طائفه .. بنغيّر لنا كلنا .. انا وياك وكل اللي يغارون على هالديره .. بنغيّر حق الكويت .. ! صوّت حق الكويت .. غيّر ! عشان انتغيّر .. وصل كلمتنا .. بالمنتديات بالمواقع بالمدونات .. بالدوانيه بين ربعك .. باليمعات .. بين الناس .. انشّر ! البس الشريطه الصفره وقول .. بنغيّر ! |
|---|