இரா. செல்வராசு (R. Selvaraj)
My blogs
| Introduction | என் பெயர் இரா. செல்வராசு. தமிழகத்தின் எண்ணற்ற கிராமங்களில் ஒன்றில் பிறந்தாலும், வளர்ந்ததும் பள்ளிப் பருவமும் முழுதும் ஈரோடு என்னும் சிறு நகரில். சென்னையில் வேதிப் பொறியியல் துறையில் இளநிலைப் பட்டமும், அதன் தொடர்ச்சியாய் அமெரிக்காவில் முதுநிலை மற்றும் முனைவர் பட்டங்களும் பெற்று, இப்போது ஒரு பன்னாட்டு நிறுவனம் ஒன்றின் ஆய்வு+பொறியியல் துறையில் பணியாற்றிக் கொண்டிருக்கிறேன். வேதிப் பொறியியல் துறையில் செலுத்தக் கட்டுறுத்தல் (Process Control) பிரிவில் எனது பணி. கணினித் துறையில் ஆர்வமும் ஈடுபாடும் என்றும் உண்டு. இப்போது மனைவி, இரு மகள்களுடன் வாழ்ந்து வருவது அமெரிக்காவின் தலைநகர் அருகே ஒரு ஊரில். தமிழ் எழுத்துக்களிலும் என்றும் ஒரு ஈடுபாடு உண்டு. என் எண்ணக் கிறுக்கல்கள் என இங்கே வலைப்பதிந்து வருகிறேன். அது இப்போது விரிவெளித் தடங்கள் என வளர்ந்து கொண்டிருக்கிறது. முன்னர் காசி உருவாக்கி நிர்வகித்து வந்த தமிழ்மணம் வலைமுகப்பின் இணை நிர்வாகியாக இருந்தேன். தற்போது தமிழ்மணத்தை ஏற்று நடத்தும் தமிழ் மீடியா இண்டர்நேஷனல், எல்.எல்.சி நிறுவனத்தின் உறுப்பினராகவும் இருந்து வருகிறேன். என்னைத் தொடர்பு கொள்ள மின்முகவரி: mail __at__ selvaraj __dot__ us |
|---|