yado
My blogs
| Introduction | دماو ره‌وتێوی په‌دیدارشناسانه‌ی، دماو ژیوایێوی ئۆدیسه‌وار، په‌یلوای فکریم ئه‌پیجۆره‌ن: ئینسانه‌ن که دلێنه (ماهیت) و کێبیه‌و (هویت) وێش وه‌ش مه‌که‌رۆ و مه‌عنا مه‌ده‌و به ژیوایش به پاو ته‌جروبه، عه‌قڵ و ئیحساسیش.جه دنیای مۆدێڕنه‌نه کێبیه‌یی فره‌ته‌ر چانه‌یه که پێوه‌نش به زوان، ره‌گه‌ز، مه‌کان یا دینیوه بۆ، هۆرچنیه‌ین. چوون پێسه‌و سارتری ماچؤ:(ئینسان مه‌حکووم به ئازادین). به‌ڵام به وه‌رچه‌م دارای ئی په‌یلوایچه زوان کۆڵه‌کێ گه‌وره‌و کێبیه‌ین. یا پێسه‌و هایدگێری واته‌نش:(زوان یانه‌و بیه‌ین). چه سه‌ر چه‌مه‌نه هیچ زوانێو نسبه‌ت به زوانێوته‌ر چه‌نه‌ئاماو سه‌رده‌س یان زه‌بوون و چێرده‌س نیه‌ن. ئانه ئاژه‌ی ئیقتسادی، ئیجتماعی، سیاسی جامێعه‌ی و هه‌رپاسه هه‌رمان په‌نه‌که‌رده‌ی هه‌رمان سه‌روه‌که‌رده‌ی هه‌میشه‌یی ئینسانه‌کا سه‌رو زوانیوه‌ن که باعێس بۆنه زوانێو هۆروه‌زۆ و ده‌وڵه‌مه‌ند بۆوه و زوانێوته‌ر گنۆ لاوه‌و جه به‌ین بشۆ. ساڵهای ساڵ چێوه‌ڵته‌ر جه تارانه‌نه ئاخر و ئوخروو وانایی ئاکادێمیکیم بێ، چه‌نی برایێوی ره‌فێقی یاوایبێنمێ ئا باوه‌ره که زوانوو هۆرامی به‌شێو گه‌وره جه بیه‌یمانه. زوانێو که هورگێروو فه‌رهه‌نگ و ژیوایه چن هه‌زار ساڵه‌ین. حه‌دیسه‌و نه‌فسوو ئاوه‌خته‌ی ئیسه‌یچ هه‌ر باقیه‌ن تا ئاروه که لووته‌کێم ته‌‌قیه‌و به ته‌وه‌نه‌کێ ئه‌لحه‌دیوه... یا حق! |
|---|