smsem_87
My blogs
Blogs I follow
| Introduction | انا مصريه بحب مصر لا علمانيه ولا اخوان ولا ليبراليه ولا سلف انا مصريه ومش من النخبه زي كل مواطن مصري نفسي اعيش في حريه وكرامه وعداله اجتماعيه ومش حابه الناس الي بتطلع تكلم باسم المواطن ومسميه نفسها النخبه وكأنهم واصيين علينا واحنا منعرفش حاجه وهما النخبه الي عارفين كل حاجه انا بقي مش نخبه بس بعرف وبفهم حاجات كتير بمخي العادي الي مش زي النخبه والحمد لله انه مش زي النخبه لاني اكتشفت بعد الثورة ان النخبه دول عباره عن عن بنطلون استرتش بيتلبسو في كل المقاسات وبيموطو علي كل جسم وبيناسبو اي جسم سواء جسم ديمقراطي او ليبرالي او اسلامي او حتي بيروقراطي علي كل لون يا استرتش قبل الثورة كانو ضد الثورة وبعد الثورة اكتشفنا انهم هما الي ثوار وهما الي قامو بالثورة لا وكمان شايفينهم يعنينا في مصطفي محمود ويقلولنا اننا كنا في التحرير علي اساس اننا عمي المهم مش حطول عليكم انا كرهت النخبه والي جابو النخبه وعملت مدونه وحتكلم فيها واوعدكم اني مش حنكلم زي النخبه حتكلم زي ما الفلاح بيتكلم والصعيدي بيتكلم والنوبي بيتكلموالبورسعيدي بيتكلم والاسكندراني بيتكلم حكلم زيكم كلكم لان انا منكم اوقات كنت بنام من غير عشا وكنت بروح مدرسه حكومي وابويا كان موظف علي قده وباكل فول وخريجه مدارس حكومي وجامعه حكومي ويشرفني اني اقول اني مش من النخبه انا مواطنه مصريه |
|---|